PROMOTOR: Sinsal audio SL DATA DE CELEBRACIÓN: 26, 27, 28 e 29 de xullo 2018 LUGAR DE CELEBRACIÓN: Illa de San Simón · Redondela[Pontevedra] WEB: www.sins.al Correo: festival@sinsalaudio.org

asistentes en 2017

edicións

Sinsal SON Estrella Galicia é un dos eventos máis singulares de Europa. Un modelo inusual de festival premiado e recoñecido co premio ao mellor festival de España de pequeno formato. Julio Gómez

Director, Festival Sinsal

Festival Sinsal SON Estrella Galicia

O Festival Sinsal SON Estrella Galicia celebra do 26 ao 29 de xullo a súa oitava edición na Illa de San Simón, Redondela, situada na espectacular Ría de Vigo, un enclave natural único que ten a consideración de ben de interese cultural. É un festival que transcorre durante o día ao que asisten 800 persoas por xornada, e que entre outras, conta con dúas particularidades que o fan “especial”: por un lado, que só se pode acceder nos barcos que son fretados pola organización, e que ten un cartel segredo que non é desvelado ata que o público desembarca na illa. O cartel do festival trata de ser un reflexo das diferentes propostas artísticas procedentes de calquera parte do mundo. Combinamos proposta actuais, emerxentes, con artistas con moitos anos de carreira, sen encasillarnos nun estilo en concreto, intentando ofrecer propostas de calidade, variadas, e que no caso de artistas internacionais, non teñan tocado nunca na comunidade galega, na procura de ofrecer cousas diferentes que desperten a curiosidade do público.

Illa de San Simón, Redondela – Pontevedra. GPS: 42.307338, -8.628614

Falamos dun festival pensado para o goce, sen afogo, da música e do entorno, e onde hai cabida para todo os públicos. Un festival que é respectuoso coa historia da Illa, e que pon todas as medidas necesarias para facer un evento o mais sostible posible. Todos estes ingredientes convérteno nun dos eventos máis singulares entre os festivais europeos.
A experiencia Sinsal O Festival Sinsal SON Estrella Galicia naceu no ano 2003 na cidade de Vigo e neste tempo recibiu números recoñecementos polas súas boas prácticas na programación musical e na difusión do patrimonio. Dende entón, organizáronse máis de 300 concertos, establecendo un modelo de programación que influíu noutros eventos culturais posteriores. Xa conseguimos exportar a música dos bares, levala ao teatro e a outros edificios singulares, desenvolvendo un festival experimental, estacional e por etapas. Entre a representación e a investigación, o Festival Sinsal xerou experiencias únicas, efémeras, que dalgunha forma deixaron una pegada, e aínda se reflicten nos concertos que realizamos na actualidade. Pola súa relevancia, teríamos que destacar a extensión do Festival Sinsal AP9 no garaxe da Expo-Coruña, o Club Sinsal no Museo MARCO de Vigo, o Festival Sinsal é Normal da Universidade da Coruña e, por suposto, o Festival Sinsal San Simón. Estes eventos, extensións do mesmo Festival Sinsal, facilitaron que a promotora Sinsalaudio desenvolva proxectos tan especiais como: Música en Branco, a memoria musical dunha cidade e a súa relación co espazo público; Monumento, un ciclo adicado á historia do camiñar e o seu encontro co patrimonio; Poseidonia, un festival de música ambulante na Illa de Formentera; e por suposto; Sinsal Son Estrella Galicia en San Simón, o festival secreto máis singular de Europa. Foi este último, o Festival Sinsal San Simón ou Sinsal Son Estrella Galicia, o evento que logrou traspasar o ámbito local e levar o nome da promotora e de Galicia por toda a península – mellor Festival de formato pequeno en España, premios Fest 2015 e finalista nos Iberian Festival Awards anos 2016 e 2018-; e por Europa, ao colarse entre os 50 mellores festivais de pequeno formato nos European Festival Awards das 4 últimas edicións. Sinsal en San Simón é xa  una peza independente, con autonomía propia, que cada ano intenta superarse a sí mesmo, consolidando a súa proposta musical, presentando a artistas dos cinco continentes e atraendo a un público cada vez máis internacional, que esgota as contadas entradas en cuestión de horas. Un evento cunha marcada personalidade entre o conxunto de festivais europeos, que aínda continua investigando e experimentando novas fórmulas de representación como o documentan a súas actividades culturais paralelas, dentro e fora da illa, entre as que destacan as “Sesións Anecoicas” na cámara semianecoica da Escola de Enxeñería de Telecomunicacións da Universidade de Vigo. O interese cultural do Festival Sinsal SON  Estrella Galicia O Festival  Sinsal SON  Estrella Galicia preséntase como un nodo, un epicentro de intercambio cultural entre público, artistas, tendencias, persoas de distintas partes do mundo, institucións e natureza. Unha cita de catro días que fomenta a difusión do territorio pero que tamén expón e proxecta a diversidade. Arredor da música, trabállanse outros contidos e actividades que fomentan os principais valores do festival. Nos últimos anos, desenvolvéronse múltiples accións culturais paralelas que foron recoñecidas co Iberian Festival Awards 2017 ás mellores actividades dun festival en España. Conferencias, mesas redondas, programas de radio, publicacións, proxeccións de vídeo e cine, exposicións, obradoiros, seminarios, etc., incorpóranse cada ano á programación. Dende os seus comezos, o Festival Sinsal Son Estrella Galicia potenciou os acordos coas administracións e institucións locais e internacionais para sacar cada ano o programa de acción cultural: a Universidade de Vigo e a Universidade da Coruña: os festivais Milhoes de Festa (Portugal), A.M.I (Francia), Antigel (Suíza), Ment (Eslovenia); a Fundación Paideia Galiza; Casa África; etc., colaboraron con nós no intercambio de artistas ou na programación das actividades. Os valores do festival Sinsal Son Estrella Galicia foi definido como o perfecto “antifestival”. Esta descrición debese á singularidade e excepcionalidade dun evento, que se desenvolve nun ambiente histórico, natural e sensible como é a Illa de San Simón, situada na enseada do mesmo nome situada ao final da Ría de Vigo. Singularidade porque asistir a Sinsal Son Estrella Galicia é unha experiencia diferente a calquera outro festival. Cada xornada, 800 persoas emprenden unha viaxe en barco pola Ría de Vigo para chegar a unha illa na que serán sorprendidos cun cartel secreto de músicas chegadas dende os cinco continentes A experiencia de San Simón hai que vivila e a música é soamente o final ou o principio dunha viaxe na que se da prioridade á diversidade social e cultural, os valores medioambientais e o aceso a públicos de todas as idades. Outras das particularidades do Festival é que os artistas cean, tocan e dormen na propia illa, o que para eles supón unha experiencia única. Estas horas de convivencia, primeiro asistindo aos concertos co resto do público e despois participando na cea conxunta co resto dos artistas é outro dos grandes momentos do festival. Por iso, o seu agradecemento e recoñecemento das redes sociais son a nosa mellor publicidade. Por último, nesta exposición dos valores que fomenta Sinsal Son Estrella Galicia, este festival traballa coa Unidade de Igualdade da Universidade de Vigo para asegurar un equilibrio efectivo entre os xéneros, tanto no traballo interno de produción como na configuración dos grupos que conforman o cartel. O Medio Ambiente Sinsal Son Estrella Galicia é un festival que sempre valorou e contemplou a política sostible para deseñar toda a experiencia posterior. Mesmo o aforo, limitado a 800 persoas, é un exemplo da preocupación da organización por controlar o impacto sobre unha contorna protexida pola súa catalogación dentro da Red Natura. Arredor desta condición, desenvólvese toda a experiencia do evento, dende o seu carácter principalmente diurno, porque o último concerto ten lugar as 21.00 horas da noite, ata a restrición de espazos para fumadores, ou a condición de usar un vaso único, que a organización cambia por outro limpo mais nunca remata no lixo. Todos os anos avánzase no plan medioambiental, que na actualidade, conta coa xestión e o control dun equipo profesional encargado de redactar a política sostible, que é asumida e asinada pola dirección do festival. Os seus obxectivos principais sobre enerxía, auga, mobilidade, prevención e reciclaxe pódense baixar da nosa páxina web e van acompañados dun informe anual no que se expón a evolución desta xestión medioambiental.

Novas sobre o festival

1ª Parada, Atlantic Fest 2018: programación completa.

En menos de dúas semanas, a illa de Arousa voltará acencherse de música. Iceage, Yung Beef, Christina Rosenvinge, Papaya, Fachendoso, Bifannah, Eva A Xabi B, Rayotaser, Alto Volta, Ghost Beast, Mushu e Maneida completan o cartel de Atlantic Fest 2018, que se celebra...

read more

Sinsal nomeado a 8 categorías dos Iberian Festival Awards

Xa podes VOTAR na 2ª edición dos Iberian Festival Awards. A gala de entrega de premios será en Barcelona o 16 de marzo e xa están abertas as diferentes candidaturas e os festivais seleccionados para cada unha delas. Sinsal Son Estrella Galicia está nomeado...

read more

Edicións de anos anteriores

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies

Pin It on Pinterest

Share This