Festival Underfest SON Estrella Galicia

O Festival Underfest é unha iniciativa que xorde en 2018 coa intención de presentar en Vigo unha programación variada e diferente, que aglutina artistas internacionais xunto a unha selección de nomes nacionais, nunha aposta firme por ofrecer un menú musical de calidade e escapando das propostas habituais.
Envolvido nun formato peculiar, o festival ofrece múltiples concertos nos principais escenarios de Vigo, así como en espazos singulares, xunto a actuacións gratuítas en puntos estratéxicos da cidade. Unha programación ecléctica que combina diferentes estilos, fomentando unha experiencia musical distinta, onde proliferan as sinerxias entre un amplo espectro de público que busca programacións fóra do convencional.

Underfest baséase en 3 puntos diferenciadores:

• DESLOCALIZACION: Programación expandida en múltiples espazos do centro da cidade.
• DESESTACIONALIZACIÓN: desenvólvese fóra do período de verán, onde se concentra a maior oferta de festivais.
• CALIDADE E DIFERENCIACIÓN DA SÚA PROPOSTA ARTISTICA mesturando recoñecidos artistas internacionais con novos talentos, xunto a unha coidada representación nacional e local.

Seleccionado dentro do conxunto de festivais estratéxicos que compoñen Fest Galicia, Underfest SON Estrela Galicia é o único festival realizado en Vigo que forma parte deste grupo que aglutina aos principais festivais de música que se celebran na nosa comunidade.

Tras 3 edicións celebradas cos abonos esgotados en todas elas, o festival posicionouse como un dos máis particulares dos que se celebran na nosa comunidade, logrando unha resposta por parte de prensa e público que o sitúan como un dos mellor valorados dentro da ampla oferta que se pode atopar en Galicia.
Polo festival pasaron nomes internacionais como Peaches, Slowdive, Benjamin Clementine, Eli ‘’Paperboy’’ Reed, The Soft Moon, Telefon Tel Aviv, Gruff Rhys, Villagers, Helado Negro, Rex The Dog, etc…artistas nacionais como Ana Curra, Enric Montefusco, Derbi Motoreta’s Burrito Kachimba, Australian Blonde ou Pional e propostas do panorama musical galego e vigués como Sen Senra, Ortiga, Family Folks, Basanta ou High Paw.