O Instituto de Educación Superior Intercontinental de la Empresa, pertencente a Afundación, e Festivais de Galicia lanzan un programa específicamente deseñado para formar cadros directivos de festivais de música.
Tras meses de intenso traballo entre IESIDE e Festivais, o programa reúne un sobresaínte cadro de profesores, e un temario axustado á realidade da produción de festivais, incorporando aspectos esenciais para a formación integral en dirección de empresas de espectáculos. Relevantes expertos do sector musical e profesorado propio de IESIDE teñen como obxectivo que os/as alunos/alunas obteñan os coñecementos precisos para organizar festivais de música atendendo a todos os aspectos esenciais do negocio, tanto específicos como transversais:
- Habilidades directivas; conceptualizacióne estratexia no deseño dun festvial; márketing; produción executiva; soporte legal; xestión económico-financeira; sostenibilidade
O programa complétase con mesas redondas e xornadas sobre temas específicos e cun proxecto final consistente na conceptualización e posta en marcha dun festival.
O alunado terá a posibilidade, en función dos seus méritos e da oferta dos festivais, de traballar nun dos festivais da Asociación en 2019, co obxectivo de por en práctica os coñecementos aprendidos durante o programa formativo.
IESIDE ten previsto abrir o prazo de matrícula o vindeiro mes de outubro, pero xa é posible realizar a preinscrición que da dereito a reserva de praza.
Máis información:
Enlace ao programa completo, con calendario e prezos de matrícula, en pdf