Un dos obxectivos fundamentais de Festivais de Galicia é a sustentabilidade, na que os festivais están a traballar para implementar melloras que permitan que os nosos eventos sexan respectuosos coa súa contorna. Hoxe, presentámosvos o sistema que están a implantar Sinsal Son Estrela Galicia, un festival que se realiza nunha contorna especialmente delicada e protexida, tanto a nivel patrimonial (é un BIC), como ambiental (por situarse nun espazo da Rede Natura 2000): a illa de San Simón.
Para mellorar a sustentabilidade dos seus eventos, en Sinsalaudio atópanse actualmente inmersos na implementación dun Sistema de Xestión da Sustentabilidade, dentro do cal desenvolveron a súa política de sustentabilidade.
O compromiso de Sinsal por celebrar eventos sustentables implica a conciliación de tres aspectos da súa actividade: social-ambiental-económico.
Como punto de partida para a xestión sustentable do Festival, Sinsalaudio levou a cabo un diagnóstico de sustentabilidade do evento que lle permitiu identificar -entre outros aspectos- cales das súas actividades e servizos teñen ou poden ter impactos sociais, ambientais e económicos, tanto a nivel interno como externo, así como as áreas máis relevantes nas que se xeran devanditos impactos e en que fase do festival.
Mostra diso é a seguinte figura, que serve como punto de partida para a análise dos impactos ambientais: cales son?; onde e cando se producen?; cal é a súa relevancia?.
Como resultado da análise de todos os aspectos da sutentabilidade vencellados ao festival, Sinsalaudio está a deseñar unha serie de accións en cada un dos tres ámbitos das que vos iremos informando próximamente.