O festival compostelano, que celebrou a súa quinta edición o pasado setembro, é de novo o único galego entre todas as categorías do certamen europeo

A cita acumula, ademáis, tamén por segundo ano consecutivo, outras cinco candidaturas nos Iberian Festival Awards, galardóns dirixidos a premiar a excelencia entre os festivais de toda España e Portugal

O xurado especializado que forma parte do panel de expertos da décima edición dos European Festival Awards elixiu por segundo ano consecutivo ao WOS Festival x SON Estrela Galicia como un dos finalistas a mellor festival indoor de 2018. O evento compite con outros nove finalistas, sete deles alemáns, un austríaco e un checo. O galego repite por segundo ano condición de finalista nesa categoría do certame, gañada o ano pasado polo esloveno MENT Ljubljana, e en 2016 polo alemán Reeperbahn. Desde o seu inicio en tan só en tres ocasiones un festival español acadou un galardón na gala neerlandesa: Primavera Sound en 2014, e de novo Primavera Sound e Mad Cool en 2017. Este ano, de novo, os únicos españois que se suman a WOS entre os finalistas son Primavera Sound e Mad Cool. Os gañadores serán anunciados nunha gala que terá lugar o 16 de xaneiro en Groninga, nos Países Baixos.

Paralelamente, a cita anual da promotora compostelá WORK ON SUNDAY volve repetir de novo outros cinco nomeamentos nos Iberian Festival Awards, que premian a excelencia entre todos os festivais de España e Portugal. As categorías nas que compite son mellor festival de pequeno formato, mellor promoción turística, mellor programa musical, mellor festival indoor, e mellor actuación polo directo de The Bug feat. Miss Red. Os gañadores da competición ibérica serán anunciados o 13 de marzo nunha gala oficial en Vigo.

A organización da cita compostelá ha subliñado desde os seus inicios a súa vontade de ofrecer unha alternativa cultural e artística na que descubrir e gozar de experiencias únicas en contextos moi especiais e audiencias limitadas. A súa proposta defínese pola súa vontade de presentar no marco excepcional que ofrece Santiago de Compostela formas artísticas ao redor da música electrónica e a exploración avaladas polo rotundo recoñecemento de público e prensa fóra das nosas fronteiras. Unha das súas características son precisamente as súas doce sedes, distribuídas polo centro urbano e histórico da capital galega, que incluíron nos seus cinco anos de traxectoria o museo Centro Galego de Arte Contemporánea – CGAC, a Cidade da Cultura, o Teatro Principal, a terraza da Fundación Eugenio Granell, a Igrexa da Universidade, o Mercado de Abastos, a sede da Fundación SGAE, as salas Capitol e Malatesta ou a sala de cinema independente NUMAX.

Lucy Railton

O seu programa reuniu a artistas destacados pola critíca especializada de procedencias tan dispares como Exipto, Sri Lanka, Xapón, Israel, Hungría, Austria, Serbia, Alemaña, Finlandia, Brasil, Estados Unidos, Australia, Canada ou Níxer. O programa, estruturado ao redor da música, incluíu ao longo das súas cinco edicións mesas de debate, estreas de cinema, noites de club, performance e escénicas, ou actividades gastronómicas. No musical, o seu cartel contou con figuras de culto, artistas revelación, e artistas habituais nos máis reputados escenarios de todo o mundo, con nomes como The Soft Moon, Thee Oh Sees, Silver Apples, Beak>, Michael Rother plays Neu!, Spectrum, Laurel Halo, Roly Porter & MFO, Raime, Vessel, Fluzo, Skee Mask, Robert Henke, Group A, Paul Jebanasam & Tarik Barri, Demdike Stare, Neno de Elche, Gábor Lázár, Greg Fox, Ron Morelli, Samuel Kerridge, Abul Mogard, Suso Saiz, JASSS, Oddisee, K-X- P ou Lucrecia Dalt entre outros. Pola súa banda, o cartel de cinema participou en estreas a escala mundial como o documental de Nick Cave “One More Time With Feeling”, ou as estreas en España das celebradas “Milford Graves Full Mantis” ou “Tony Conrad: Completely In The Present”. Patrocinadores como Jägermeister e Red Bull participan no proxecto complementando o programa musical con propostas inusuais e transgresoras, destinadas a un público inquieto que busca alimento artístico máis aló das canles masivas.

A cita anual da produtora compostelá WORK ON SUNDAY anunciará proximamente as súas datas de 2019, un ano máis con SON Estrella Galicia vinculando o seu nome ao do festival como patrocinador principal.

Relación completa de candidaturas e nomeamentos da edición de 2018 de WOS Festival x SON Estrella Galicia:

EUROPEAN FESTIVAL AWARDS
 Best Small Format Festival
 Best Indoor Festival – FINALISTA

IBERIAN FESTIVAL AWARDS
 Best Small Festival
 Best Indoor Festival
 Best Touristic Promotion
 Best Line-Up
 Best Live Performance – The Bug Ft. Miss Red

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies

Pin It on Pinterest

Share This